Janë arrestuar pesë persona të cilët dyshohen se kanë sulmuar objektin e Konsullatës së Përgjithshme e Turqisë në Prizren.

“Rreth orës 4 të mëngjesit të sotëm është sulmuar Konsullata e Përgjithshme e Turqisë në Prizren me lëndë djegëse, si gazë molotovi”, ka thënë për Insajderin kryeprokurori i Prokurorisë Themelore të Prizrenit Sylë Hoxha.

Si pasojë e sulmit objekti ka pësuar dëme të vogla materiale, ku janë thyer xhamat e një dritareje, ka bërë të ditur Hoxha.

Ndërsa mbrëmë disa persona kanë larguar flamuj të Turqisë të vendosur rrugëve të Prizrenit përkrah flamujve të Shqipërisë.

Kjo konsullatë ishte hapur më 23 prill të këtij viti në Prizren. Në këtë ceremoni k ishte marrë pjesë edhe kryeministri Isa Mustafa, bashkë me zëvendëskryeministri turk, Numan Kurtulmus, ministra të Qeverisë së Kosovës, përfaqësues diplomatik dhe personalitete nga Prizreni./Insajderi.com