Përpjekja për grusht shtet në Turqi ka sjellë edhe arrestime të shumta. Nuk janë vetëm eksponentë të ushtrisë dhe personat e involvuar drejtpërdrejtë që janë arrestuar.

Tash së fundmi, njësiti i Anti – Kontrabandës dhe i Parandalimit të Krimit të Organizuar, dega në Ajdin, ka arrestuar 60 biznesmenë turq lidhur me aksionin kundër Organizatës FETO, raporton portali Sakte.net.

Autoritetet e Turqisë thonë se janë arrestuar më se 6 mijë vetë për shkak të përpjekjes për puç të dështuar ushtarak më 15 korrik, derisa presidenti, Recep Tayyip Erdogan, ka premtuar se “pastrimi” i institucioneve shtetërore do të vazhdoj.