Arrestohen dy persona të dyshuar për përfshirje në veprat penale ‘trafikim me njerëz’ dhe ‘shërbime seksuale të viktimës së trafikimit’.

“Policia e Kosovës, në këtë rast Njësia për Hetimin e Trafikimit me Qenie Njerëzore e Drejtorisë Rajonale Prishtinë, pas një hetimi të zhvilluar, më 16.01.2017 në orën 20:10, ka arrestuar dy persona të dyshuar me dyshimin e bazuar për përfshirje në vepra penale.”, thuhet në njoftimin e policisë.

Njëri nga të dyshuarit, sipas policisë, dyshohet për përfshirje në veprën penale ‘trafikim me njerëz’, ndërsa i dyshuari tjetër dyshohet për veprën penale ‘shërbime seksuale të viktimës së trafikimit’.

“Gjatë hetimeve është identifikuar një viktimë e mitur e cila është intervistuar dhe me të është vepruar në bazë të procedurave standarde vepruese”, vazhdon njoftimi.

Personat e arrestuar për dyshim përfshirjeje në veprat penale janë S. K. (1984), B. A. (1966), të dytë shtetas të Kosovës.

Në konsultim me prokurorin e Prokurorisë Themelore Prishtinë, të dyshuarit janë dërguar në mbajtje për 48 orë./Insajderi.com