Policia e Kosovës ka njoftuar se ka realizuar një operacion të gjerë në Shtime, Lipjan dhe Drenas, që ka rezultuar me arrestimin e pesë personave të dyshuar për armëmbajtje pa leje.

Operacioni është zhvilluar më 16 shtator 2025 nga Drejtoria për Hetimin e Krimit të Organizuar dhe Krimeve të Rënda, në bashkëpunim me prokurorinë kompetente.

Sipas Policisë, të arrestuarit dyshohen për përfshirje në veprat penale “importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse” (neni 364 i KPRK-së) dhe “mbajtja në pronësi, kontroll ose posedim të paautorizuar të armëve” (neni 366 i KPRK-së).

Me urdhër të gjykatës, policia ka kontrolluar pesë lokacione të ndryshme, ku janë gjetur dhe sekuestruar dëshmi materiale, përfshirë:

1 AK-47

1 pushkë e gjatë me dylbi

1 pushkë gjuetie

1 revole

116 fishekë të kalibrave të ndryshëm

8 fishekë me gaz

2 pushkë ajrore

5 telefona

Pas intervistimit, me vendim të prokurorit, pesë personat e dyshuar janë dërguar në qendrën e mbajtjes për 48 orë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!