Një 19-vjeçar dyshohet se e ka detyruar një vajzë 15-vjeçare të kryente marrëdhënie seksuale nën kërcënimin e publikimit të materialeve komprometuese.
Sipas burimeve të Sinjalit, dje, njësia e hetimeve të Stacionit Policor Gjakovë ka pranuar një informatë anonime, sipas së cilës një e mitur 15-vjeçare ishte nën presion nga një person madhor.
Gjatë trajtimit të rastit, viktima E.M., rreth 15-vjeçare ka deklaruar se i dyshuari D.Z., rreth 19-vjeçar e kishte detyruar të kryenin marrëdhënie seksuale, duke e kërcënuar se nëse refuzonte, do të publikonte materialet e një akti të njëjtë që ata kishin bërë më herët, të cilat ai i posedonte në formë fotografish.
Rasti është inicuar në Stacionin Policor Gjakovë, ndërsa me kompetencë lëndore është marrë Sektori Rajonal i Hetimeve – Gjakovë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
