Policia e Kosovës ka arrestuar një person i cili ishte paraqitur si pjesëtar i Forcës së Sigurisë së Kosovës teksa po voziste makinë me tabela të Serbisë dhe në të i ishin gjetur shtatë helmeta të punës, në pesë prej tyre, mbishkrimi me shkronjën ‘Z’.

“Në orët e mbrëmjes së datës 30 maj 2022, Njësia e Trafikut Rajonal gjatë kontrollit të trafikut rrugor në rrugën nacionale Mitrovicë-Prishtinë në segmentin rrugor në Vushtrri, ka ndaluar një veturë me targa të Serbisë në të cilën ndodhej i dyshuari dhe një dëshmitar M/K/S, ku gjatë legjitimit i dyshuari M. M., 30 vjeçar, ka paraqitur një dokument si person zyrtar i Forcës së Sigurisë së Kosovës. Në veturën e të dyshuarit janë gjetur shtatë (7) helmeta të punës ku pesë (5) prej tyre me mbishkrim të shkronjës (Z)”, thuhet në komunikatën e Policisë.

Tutje, policia bënë të ditur se dokumenti që i dyshuari kishte paraqitur ka qenë i rremë.

“Gjatë verifikimit ka rezultuar se i dyshuari ka paraqitur dokument të rremë, si prova materiale nga i dyshuari janë sekuestruar kartela dhe një çantë krahu” bëhet e ditur nga policia.

Për veprimet e ndërmarra, policia potencon se  është informuar prokurori i rastit, i cili ka urdhëruar që rasti ndaj të dyshuarit të iniciohet për vepër penale “Prezantim i rremë si person zyrtar” ndërsa pas intervistimit i dyshuari është liruar në procedurë të rregullt.

Fillimisht, simboli ‘Z’ u pa në tanket që ishin nisur drejt kufirit të Ukrainës, disa ditë para se presidenti rus, Vladimir Putin, të urdhëronte pushtimin e shtetit fqinj.

Ky simbol shpejt u shndërrua në simbol për mbështetjen e luftës së Putinit në Ukrainë dhe është parë e vizatuar edhe në ndërtesa të ndryshme në Komunën e Mitrovicës së Veriut, të banuar me shumicë serbe, në protestat në mbështetje të Putinit në Beograd, e në shumë vende të tjera.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur