Aktivisti i Lëvizjes Vetëvendosje Dren Kukaj është arrestuar sot në mesditë nga ana e Policisë së Kosovës.
Lajmin e ka bërë të ditur Vetëvendosje përmes një komunikatë për media, ku thekson se Kukaj është arrestuar në Prishtinë dhe është dërguar në paraburgim për 48 orë.
”Kjo valë e arrestimeve, depërtimeve, rrahjeve nëpër stacione policore, thyerjeve të zyrave, linçimeve e shpifjeve përmes medieve të varura dhe organeve të propagandës, montimeve të akuzave të pavërteta dhe thirrjeve për dhunë e përndjekje nga ana e pushtetarëve më të lartë, është e gjitha e drejtuar kundër Lëvizjes Vetëvendosje”, thuhet në komunikatë për media të Vetëvendosjes.
Sipas Vetëvendosjes, avokati i Dren Kukajt është përpjekur të marrë të dhëna për këtë mbajtje, por policia ka refuzuar të përgjigjet. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
