Policia e Kosovës ka arritur ta arrestojë K.K., 34-vjeç, nën dyshimet për rastin “vrasje e rëndë në tentativë” të ndodhur më datë 17.02.2024 në rrugën “B” në Prishtinë, shkruan Insajderi.

Bëhet me dije se i dyshuari me urdhër të prokurorit të shtetit u dërgua në qendrën e mbajtjes prej 48 orësh.

“Mbrëmë në orët e vona, nga zyrtarët e njësisë së hetimeve të përgjithshme të Drejtorisë Rajonale të Policisë së Prishtinës në bashkëpunim edhe me policinë e aeroportit ndërkombëtar të Prishtinës, është arrestuar një person i  dyshuar për rastin vrasje e rëndë në tentativë të ndodhur më datë 17.02.2024 rreth orës 19:45, në rrugën “B” në Prishtinë“, thuhet në njoftim.

Policia shton se arrestimi erdhi si rezultat i ndërmarrjes së veprimeve të specializuara operativo-policore, në kuadrin e procesit hetimor të këtij rasti.

“Përderisa policia po punon në mënyrë aktive për zbardhjen e plotë të rrethanave të ngjarjes, ndaj të dyshuarit me autorizimin e prokurorit të shtetit është iniciuar hetim në drejtim të veprës penale “Vrasja e rëndë në Tentativë”, kanë deklaruar nga Policia.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur