Në orët e hershme të mëngjesit të djeshëm një taksist u sulmua me thikë nga një i dyshuar, të cilit i ka shkaktuar lëndime trupore.

Lidhur me rastin policia ka arrestuar personin D.M, mashkull, 30 vjeç, shtetas i Republikës së Kosovës.

I njëjti po dyshohet për “Vrasje në Tentativë” .

Njoftimi i plotë i policisë:

Dje nga zyrtarët e njësisë së hetimeve të përgjithshme të Drejtorisë Rajonale të Policisë në Prishtinë, është arrestuar një person i dyshuar për rastin vrasje në tentativë të ndodhur më datë 08.08.2023 rreth orës 03:30, në rrugën “Dervish Çollaku” në Prishtinë. I dyshuari kishte goditur viktimën me një mjet të mprehtë duke i shkaktuar lëndime trupore.

Arrestimi i të dyshuarit erdhi si rezultat i ndërmarrjes së veprimeve të nevojshme operativo-policore me ç’ rast policia identifikoi, lokalizoi dhe arrestoi të dyshuarin;

· D. M, mashkull, 30 vjeç, shtetas i Republikës së Kosovës.

​Përderisa policia po punon për zbardhjen e plotë të rrethanave të ngjarjes, ndaj të dyshuarit me autorizimin e prokurorit të shtetit është iniciuar hetim në drejtim të veprës penale “Vrasje në Tentativë” dhe me aktvendim mbi ndalimin e personit të dyshuar të nxjerrë nga ana e prokurorit të shtetit i dyshuari u dërgua në qendrën e mbajtjes prej 48 orësh.