Policia italiane ka arrestuar një kosovar në portin Dorik të Ankonës së Italisë përgjatë një kontrolli sistematik ndaj pasagjerëve që vinin nga Shqipëria. Shtetasi kosovar ishte në kërkim ndërkombëtar, si dhe kishte një dënim nga Gjykata Themelore e Gjakovës.
Mediumi italian Virgilio raporton se në bazë të informacioneve të publikuara në faqen e policisë italiane, i dyshuari ka tentuar t’i shmanget kontrollit, përcjell Insajderi.
Personi ishte në kërkim ndërkombëtar për arrestim provizor për qëllime ekstradimi nga Kosova, për trafikim droge.
Urdhri është lëshuar më 6 prill të vitit 2021 nga Gjykata Themelore e Gjakovës. I dyshuari ende pritet të përballet me dënim maksimal prej 12 vitesh.
Kosovari i dyshuar është dërguar në burgun Montacuto në pritje të ekstradimit në Kosovë. /Insajderi.org/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
