Policia e Kosovës ka njoftuar se ka arrestuar një person të kërkuar me urdhër të Gjykatës Themelore në Prizren për veprën penale “Blerje, posedim, shpërndarje dhe shitje e paautorizuar e narkotikëve dhe substancave psikotrope dhe analoge”, shkruan Insajderi.
Personi i arrestuar është A.H., mashkull i moshës madhore, i cili u kap në orët e hershme të mëngjesit të 30 prillit 2025 në vendbanimin e tij në fshatin Ratkoc të Rahovecit.
Arrestimi u realizua nga Njësiti i Ndërlidhjes me Gjykatën, në bashkëpunim me Sektorin e Hetimeve pranë Stacionit Policor në Rahovec.
Sipas policisë, A.H. ishte në kërkim me urdhëresë të lëshuar nga gjykata dhe ishte dënuar me një vit burgim. Pas arrestimit, ai është dërguar menjëherë në vuajtje të dënimit.
Policia e Kosovës ka theksuar se ky operacion është rezultat i punës së përkushtuar dhe bashkëpunimit efikas ndërmjet njësive relevante policore dhe gjykatës, duke dëshmuar angazhimin e vazhdueshëm në luftën kundër krimit dhe zbatimin e urdhër-arresteve gjyqësore.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
