Njësia e hetimeve të krimeve ekonomike dhe korrupsionit në rajonin e Ferizajt pas hetimeve të kryera ka arrestuar të dyshuarin V.Z. (1986) lidhur me dyshimin për përfshirje në veprat penale ‘Falsifikim  i  dokumentit  publik” dhe “Legalizimi i  përmbajtjes  së  pavërtetë”.

“Personi i dyshuar (V.Z.) dyshohet se ka falsifikuar certifikatën e pronës publike me qëllim të përvetësimit të kundërligjshëm të një prone (objekti) në Ferizaj, duke shpallur si pronare të kësaj prone një qytetare ( M.C) serbe shtetase e Serbisë”, thuhet në njoftimin e policisë.

Policia thotë se i njëjti person dyshohet se ka falsifikuar autorizimin noterial sipas të cilit ai kishte të drejtë ta shiste pronën dhe përfaqësonte në çdo raport juridik pronaren e lartcekur femër serbe.

“Prona në fjalë së bashku me objektin janë nën menaxhim të AKP-së dhe vlera e së cilës konsiderohet se është mjaft e lartë”, thuhet në njoftim.

Me vendim të prokurorit kompetent i dyshuari është dërguar në mbajtje për 48 orë, për vazhdim të procedurave të mëtejme ligjore./Insjaderi.com