Policia ka bërë të ditur se nga njësite të stacionit policor të Fushë Kosovës, është arrestuar një person i cili kërkohej me urdhëresë të gjykatës.

Në komunikaten për media bëhet e ditur se i njëjti është dënuar me  burgim për veprën “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

“E. S, mashkull, shtetas i Republikës së Kosovës, kërkohej me urdhëresë nga gjykata, pasi që i njëjti është dënuar me  burgim (1 vit e 10 muaj) për veprën Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

“Pas përfundimit të procedurave të nevojshme policore, personi i dyshuar është dërguar për vuajtje të dënimit”, thuhet tutje në komunikatë.