Prokurori i shtetit në bashkëpunim me Policinë e Kosovës, në rajonin e Pejës ka arrestuar dhe ndaluar një person të dyshuar për veprën penale “Fajde”.

Lajmin për Gazetën Insajderi e ka konfirmuar zëdhënësi i Prokurorisë së Pejës, Shkodran Nikçi.

Ai tha se i dyshuari do të ndalohet për 48 orë.

“Pas arrestimit, i dyshuari do intervistohet nga hetuesit policor, kurse prokurori i shtetit ka urdhëruar që i pandehuri të ndalohet për 48 orë. Brenda afatit ligjor, prokurori i shtetit do t’i ndërmarrë veprimet ligjore për sigurimin e prezencës se të pandehurit në procedurë penale. Ju bëjmë apel të gjitha viktimave të fajdeve që pa hezitim t’i raportojnë rastet tek Prokurori i shtetit apo Policia e Kosovës”, tha ai.