Hetuesit e Inspektoratit Policor të Kosovës (IPK) kanë arrestuar sot një punonjës të Policisë së Kosovës, që sipas autoriteteve është zyrtar i stafit civil pa autorizime policore, nën dyshimin për kryerjen e veprës penale të ngacmimit seksual.

Sipas komunikatës zyrtare të IPK-së, hetimet kanë nisur pas pranimit të informatave që lidhen me përfshirjen e këtij zyrtari civil në një rast të ngacmimit seksual. IPK-ja ka ndërmarrë veprime hetimore në koordinim me Prokurorinë Themelore në Prizren.

“Bazuar në hetimin preliminar, dyshohet se punonjësi tashmë i arrestuar, për një periudhë dyjavore ka ushtruar ngacmim seksual ndaj viktimës së mitur, të gjinisë femërore, në afërsi të objektit shkollor ku ajo ndjek mësimet”, thuhet në njoftimin e IPK-së.

Me vendim të prokurorit kujdestar të Prokurorisë Themelore në Prizren, i dyshuari është dërguar në mbajtje për 48 orë. Po ashtu, IPK ka rekomanduar suspendimin e tij nga pozita që mban në Policinë e Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!