Kryetari i Partisë Demokratike, Lulzim Basha doli në një deklaratë për mediet rreth orës 14:00 për të njoftuar arritjen e një marrëveshjeje për reformën në drejtësi.

Basha tha se marrëveshja është arritur në bazë të një formulimi të propozuar nga Komisionari Hahn për rolin e ndërkombëtarëve në procesin e vendimmarrjes.

“Sapo kam përfunduar një komunikim intensiv me partnerët amerikanë dhe evropianë. Pas komunikimit më të fundit të rakorduar nga komisionari Hahn, roli i misionit ndërkombëtar do të jetë rekomandues, ndërsa vendimmarrja tërësisht në duart e shqiptarëve”, tha Basha.

Basha këtë e konsideronte si “fitore të parimeve të Partisë Demokratike”.

“PD zhvilloi një betejë të gjatë dhe këmbëngulja e saj pati rezultate pozitive”, tha Basha.

Sipas kreut të demokratëve, kjo marrëveshje është mbyllja me sukses e një procesi në përputhje me Kushtetutën dhe rekomandimet e Venecias, raporton TCh.

“Konkludimi në këtë mënyrë i këtyre çështjeve, të lëna si litar jashtë në negociatat e të hënës, është konkludimi me sukses i PD për një draft kushtetues në përputhje me propozimet e Komisionit të Venecias dhe bazuar mbi propozimin e zonjës Nuland. Kjo betejë ka patur dy qëllime: Kushetuetshmërinë dhe të drejtat e liritë themelore”, vijoi kreu i demokratëve Basha.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër