Të paktën 11 persona kanë mbetur të vrarë nga një shpërthim që kishte në shënjestër një autobus policie në qendër të Stambollit.

Mjeti shpërthyes i kontrolluar në distancë u shpërthye teksa automjeti po kalonte në rrugët e lagjes Vezneciler, në orën e pikut. Deri tani asnjë grup nuk ka marrë përsipër përgjegjësinë e atentatit.

Fotografi të paverifikuara nëpër rrjete sociale tregojnë një automjet të shkatërruar.

Dhuna në Turqi ka eskaluar rishtazi si rezultat i tensioneve me separatistët kurd dhe konfliktit në Siri