Nga 1.75 deri në 1.79 euro varion çmimi i një litri të derivateve të naftës në Kosovë të martën.

Ky çmim shënon rekord maksimal të një litri naftë në vend.

Fadil Berjani, kryetar i Shoqatës së Naftëtarëve, ka thënë sot se çmimi i naftës sot sillet rreth 1 euro e 75 centë, derisa i benzinës 1 euro e 77 centë.

Në ndërkohë, deputeti i Aleancës për Ardhmërinë e Kosovës (AAK), Besnik Tahiri, ka thënë se sot qytetari i Kosovës paguan çmimin e njejtë të naftës, sikurse qytetarët e Bashkimit Evropian.

Ai përmes një shkrimi në ‘Facebook’ duke përmendur edhe rritjen e çmimeve të produkteve elementare, ka kritkikuar Qeverinë e Albin Kurtit.

“Sot, qytetari i Kosovës paguan një litër naftë pothuajse me çmim të njëjtë sikurse një qytetar i Bashkimit Evropian por me të ardhura shumëfish më të ulëta. Rritja e çmimeve të produkteve elemalentare po e vështirëson tejmase jetën e qytetarit të Kosovës.Qeveria Kurti, a jeni në Kosovë, a krejt jeni dale”, ka shkruar Tahiri.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur