Bashkimi Evropian do të zyrtarizoj liberalizimin e vizave për 50 milionë ukrainas dhe gjeorgjianë.

Zyrtarë të BE-së kanë bërë të ditur se është arritur marrëveshja për t’i dhënë fund konfliktit brenda BE-së i cili deri tash kishte penguar masat e premtuara.

Gjatë bisedimeve të  orëve të vona ku ishin të përfshirë shtetet anëtare të BE-së dhe Parlamentit Evropian, u arrit një kompromis për një mekanizëm që mund të përdorët për të suspenduar regjimin e udhëtimit pa viza në raste emergjente.

Ky mekanizëm është kusht paraprak për heqjen e vizave për këto Ukrainën dhe Gjeorgjinë.

Dy ish-republikat sovjetike janë duke kërkuar të distancohen nga Moska dhe të afrohen me Perëndimin. Pritet që Parlamenti Evropian të votojë për këtë çështje javën e ardhshme.