Qeveria e Kosovës sot mori vendim për krijimin e Komisionit për matjen e territorit të Republikës së Kosovës, pasi që nuk arritur ta ratifikojë Marrëveshjen për Demarkacion me Malin e Zi, për shkak të kundërshtimeve të opozitës dhe disa deputetëve nga pozita.

Në këtë mbledhje u njoftuar se komisioni do të ketë në përbërje përfaqësuesit e Akademisë së Shkencave, të Fakultetit të Shkencave matematiko-natyrore, përfaqësues të opozitës dhe të shoqërisë civile si dhe përfaqësuesit e rajonit të Pejës ku ndodhet edhe kufiri i diskutueshëm.

Gjithashtu,  është paraparë edhe përfshirja e KFOR-it, BE-së, EULEX-it dhe të ambasadës së SHBA-së.

Përfundimi i punës së këtij komisioni, është paraparë të bëhet nga fundi i muajit janar.

Ratifikimi i marrëveshjes është një prej kushteve të BE-së për heqjen e regjimit të vizave për Kosovën.