Agjencia e Statistikave të Kosovës do të publikojë rezultatet e para përfundimtare të Regjistrimit të Popullsisë pas një muaji.

ASK’ja ka bërë të ditur përmes një njoftimi se do ta bëjë prezantimin e rezultateve përfundimtare në një konferencë që planifikohet të mbahet më 19 dhjetor të këtij viti.

“Agjencia e Statistikave të Kosovës (ASK) gjatë kësaj periudhe njëmujore do të angazhohet maksimalisht në përgatitjen e të dhënave të para përfundimtare dhe publikimin e tyre në një periudhë rekorde brenda 7 muajshe që nga përfundimi i Regjistrimit të Popullsisë në terren. Ndërkohë që, raportet tematike do të vazhdojnë të publikohen edhe gjatë vitit 2025. Njëkohësisht, ASK-ja falënderon të gjithë qytetarët e Kosovës për bashkëpunimin që kanë treguar gjatë këtij procesi, të gjithë stafin e përfshirë në Regjistrim, institucionet që kanë mbështetur këtë proces, si dhe të gjitha mediat për korrektësinë dhe raportimin e drejt gjatë gjithë procesit të Regjistrimit të Popullsisë në Kosovë (ReKos2024)”, thuhet në njoftim.

Në bazë të rezultateve preliminare që janë publikoi ASK’ja në korrik, Kosova ka 1 milion e 586 mijë e 659 banorë rezidentë. Prej tyre, 795 mijë 46 janë meshkuj dhe 791 mijë e 614 femra.