Fisnik Asllani është njëri prej futbollistëve të Kombëtares së Kosovës me sezonin më të mirë në futbollin evropian.

Përfaqësuesi kosovar, i cili shënoi gol në miqësoret e qershorit për “Dardanët” e kaloi një sezon të jashtëzakonshëm në Bundesliga 2 me ekipin Elversberg.

22 vjeçari në fakt i realizoi 18 gola dhe i bëri 10 asistime në 37 ndeshje të zhvilluara në sezonin e tij në formë huazimi nga Hoffenheimi, shkruan “Gazeta Express”.

E këtë hov dhe zhvillim të Asllanit s’ka lënë pa e vërejtur edhe faqja e specializuar për vlerësimin e futbollistëve – Transfermarkt.

Sipas kësaj të fundit, tash vlera e sulmuesit shtatlartë është 8 milionë, pra një herë më e madhe se ajo që ishte deri tash – 4 milionë.

Futbollisti kosovar u rikthye në Hoffenheim, por nuk dihet nëse do të qëndrojë aty në sezonin 2025/26 apo do të huazohet përsëri.

Interesim për të kanë shprehur disa klube, por nuk dihet ende se ku do të luajë sulmuesi kosovar në edicionin e ri.

Spekulohet se klubet gjermane Stuttgart e Werder Bremen, ai francez Lille dhe klubi turk, Fenerbahçe, kanë shprehur interesim për të ardhmen e sulmit të Kombëtares së Kosovës

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!