At Nikolla Xhufka ka reaguar sërish në lidhje me videon, ku shfaqej teksa negocionte një takim intim dhe marrëdhënie seksuale me një mashkull tjetër. Edhe një herë ai pretendon se video është montazh, teksa shprehet se “Syri tv” është financuar nga Fredi Beleri dhe Greqia për ta sulmuar.

Mirëpo jo vetëm kaq, për të treguar se video ku shfaqej ai është montazh, At Nikolla Xhufka. Pretendon se dikush nëpërmjet Inteligjencës Artificiale, kishte krijuar një video ku tregonte në momente intime Janullatos dhe gazetarin Çim Peka.

“E ndjej veten të detyruar të reagoj edhe një herë në të gjithë këtë histori kurthi, të kkitj manipulimi të Inteligjencës Artificiale dhe të kurthit të ngritur nga “Syri tv”, i cili dihet botërisht që Syri Tv dhe ai i emisionit tjetër janë të paguar direkt nga Fredi Beleri dhe nga politika greke. Doja t’ju thoja e diçka tjetër një dashamirës i kishës pak minuta më para më dërgoi një video të jashtëzakonshme, që kur e kam parë kam qeshur me lot. Pash një video ku shfaqej Janullatos i famshëm dhe i madh e shumë i shenjtë, dhe të një gazetari, Cim Peka“, tha ai.

“Të dy këta ishin duke…në një moment intim, i shikoje duke u afruar duke u përkëdhelur, e duke kryer momente intime. Sigurisht që këto janë Inteligjenca Artificiale, video që mu dërgua nuk është e vërtetë, por mu dërgua për të parë At Nikolla se shiko çfarë bën Inteligjenca Artificiale që bën ky televizor i shitur”, tha ai ndër të tjera”

Prifti i vetëshpallur At Nikolla Xhufka është përfshirë në një episod të turpshëm që bënte fjalë për raport intim me dy personave të së njëjtës gjini.Edhe përse nuk ndodhi, prifti pati biseda me personin e infiltruar nga emisioni investigativ “Piranjat”, duke shprehur gatishmërinë për të shkuar më tej në kryerjen e marrëdhënies seksuale.

Këto biseda ndodhin gjatë kohës që At Nikolla Xhufka mban veshur veladonin.

Prifti ortodoks nga Elbasani, i cili në fakt nuk njihet si i tillë nga kisha Autoqefale shqiptare, ka fituar popullaritet për qëndrimet e tij kundër kryepeshkopit Janullatos, duke e mveshur personalitetin e tij me simbole patriotike, dhe duke u kthyer në një lloj heroi për nacionalistët.