Julian Meçaj 47 vjeç, i kërkuar për atentatin ndaj ish-prokurorit të Durrësit Arjan Ndoja, është arrestuar në Dubai për llogari të autoriteteve shqiptare.

47-vjeçari ka marrë sigurie arrest në burg nga Gjykata e Posaçme për veprat penale “Vrasja e funksionarëve publike” mbetur në tentativë, “Vrasja”, “Prodhimi dhe mbajtja pa leje e armëve dhe municionit luftarak”, “Vjedhja” kryer në bashkëpunim, më shumë se një herë, “Grupi i strukturuar kriminal” dhe “Sigurimi i kushteve/mjeteve për të kryer vrasje”.

Në vitin 2019, në autostradën Durrës-Tiranë, pranë mbikalimit të Shkozetit, Julian Meçaj në bashkëpunim me persona të tjerë, ka qëlluar me armë zjarri në drejtim të automjetit me të cilin udhëtonin ish-prokurori i Durrësit Arjan Ndoja, Aleksandër Laho dhe Andi Maloku. Nga ky atentat mbeti i vrarë Andi Maloku, shoferi i ish-prokurorit, si dhe u plagosën Arjan Ndoja dhe Aleksandër Laho.

Interpol Tirana vijon procedurat në bashkëpunim me Interpol Abu Dhabin, për ekstradimin e Julian Meçajt drejt Shqipërisë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur