Të përfaqësosh vendin tënd dhe të fitosh një medalje në Lojërat Olimpike është nderi më i madh, por ky nuk është kujtimi i vetëm me të cilin largohesh.

Me lojërat në Paris që janë duke u zhvilluar tashmë, Japonia kryeson renditjen kur bëhet fjalë për medaljet e arta – me gjashtë të arta deri më tani.

Shtetet e Bashkuara janë në krye për sa i përket medaljeve të përgjithshme – të përbërë nga tri të arta, tetë të argjendta dhe shtatë të bronzta.

Ne kemi parë shumë atletë në podiume, duke treguar me krenari medaljet për të cilat ata punuan pa u lodhur.

Por medalistët janë parë gjithashtu duke mbajtur një kuti misterioze prej 40 centimetrash prej ari, që iu është dhënë anëtarëve të Komitetit Olimpik Ndërkombëtar, teksa himnet kombëtarë intonohen në ceremoninë pas ngjarjes.

Shumë njerëz kanë pyetur veten se çfarë ka saktësisht në kuti, por përgjigja tani është zbuluar.

Sipas faqes zyrtare të Olimpiadës, atletëve u jepet posteri zyrtar olimpik për shfaqjen e Parisit si një suvenir i veçantë.

Artisti francez Ugo Gattoni ishte përgjegjës për dizajnin e saj këtë vit dhe besohet se ka shpenzuar rreth 2000 orë për ta krijuar.

Është një kujtim i madh, por ky nuk është i vetmi gjë që u jepet atletëve të suksesshëm.

Kur dalin nga podiumi dhe ceremonia përfundon, medalistët marrin një mini nuskë të veçantë – të kompletuar me një medalje ari, argjendi ose bronzi në mes të tyre në varësi të arritjes.

Ato janë bërë në fabrikën Doudou & Compagnie në La Guerche-de-Bretagne dhe fansat mund t’i blejnë online në madhësi të ndryshme. /Telegrafi/