Audi Q7 me të cilën udhëtonte Isa Mustafa sa ishte në krye të Prishtinës, vazhdon të qëndrojë në garazh që kur Shpend Ahmeti erdhi në pushtet.

Edhe pse për blerjen e tij u dhanë rreth 76 mijë euro, në vitin 2014 dështoi të shitet edhe për 41 mijë e 810 euro. Kjo pasi për shitje mbështetjen e dha edhe kuvendi komunal, por pa votat e LDK-së. Paratë thanë se do të destinoheshin për drejtorinë e shëndetësisë.

E tani, dy vjet më vonë, komuna do të tentojë përsëri ta shes makinën bashkë me rreth 250 vetura të tjera, që janë asete të komunës,njofton Klan Kosova.

Autosalloni Reforma, në të cilën u ble kjo veturë i thotë se çmimi për veturë të tillë sillet rreth 25 mijë euro.

Megjithatë, asamblistët e LDK-së e quajnë këtë veprim të Shpend Ahmetit si propagandues, sepse sipas tyre, vetura i përket komunës. /Insajderi.com