Diana Maloku, ish-punëtore në restorantin Fika, për Insajderin ka ndarë pretendimet e saj se pronari i këtij biznesi, Defrim Puka, ka falsifikuar nënshkrimin e saj.

Madje, sipas saj, i njëjti dokument është paraqitur edhe në Administratën Tatimore të Kosovës.

Maloku ka ndarë gjithashtu një audioincizim, ku dëgjohet vetë Puka duke rrëfyer bëmat e tij.

Për të kuptuar më shumë ndiqni storien e realizuar nga gazetarja, Dijellza Preniqi:

Maloku ka pretenduar se në ish-vendin e saj të punës ka përjetuar dhunë fizike dhe psikologjike nga kolegët, për çka sipas saj kanë qenë të njoftuar edhe aksionarët e kompanisë, por nuk kanë ndërmarrë asnjë masë. Ajo gjithashtu ka pohuar se kontrata e saj e punës është ndërprerë në mënyrë arbitrare.

Për këto pretendime, Insajderi ka kontaktuar Pukën, i cili i ka mohuar akuzat, duke i cilësuar si të pabaza. Ndërsa për akuzën se ai ka falsifikuar nënshkrimin e saj (shih videon), Puka nuk është deklaruar.

“Diana ka qenë provokuese në vendin e punës dhe ka shfaqur sjellje shumë të papërshtatshme ndaj stafit. Për këtë arsye, kontrata e saj është ndërprerë në një mënyrë shumë dinjitoze dhe korrekte,” ka deklaruar ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!