Autopsia e trupit të pajetë të Faton Hajrizit pritet të bëhet sot gjatë ditës. Autopsia do të kryhet nga mjeku i IHML-së, Arsim Gërxhaliu.

Kështu ka mësuar Insajderi nga burime brenda Institutit të Mjekësisë Ligjore.

Familjarët e tij janë parë në ambientet e IHML-së, tashmë është bërë me dije se nëna e tij ka arritur ta identifikojë se trupi i pajetë është i Faton Hajrizit.

Theksojmë se Hajrizi raportohet se u vra më 19 korrik në afërsi të kufirit mes Serbisë dhe Bosnjës.

Një ditë më herët, ai dyshohet se ka vrarë një polic serb dhe ka plagosur një tjetër.

Faton Hajrizi qe arratisur nga burgu i Smrekonicës më 6 korrik.

/Insajderi