Dy persona mbetën të vrarë dhe disa të tjerë u plagosën, pas një sulmi terrorist në Izrael, mbrëmjen e sotme. Ministri i Mbrojtjes Benny Gantz thotë se forcat izraelite të sigurisë janë të shtrira në të gjithë vendin dhe në gatishmëri pas sulmit terrorist në qytetin Hadera.

“Forcat e Mbrojtjes së Izraelit dhe të gjitha forcat e tjera të sigurisë janë të shtrira dhe në gatishmëri me të gjitha mjetet për të rivendosur qetësinë dhe për të garantuar sigurinë e qytetarëve të Izraelit në çdo vend dhe në çdo front. Ne do të veprojmë në mënyrë agresive kundër terrorit dhe terroristëve dhe do të avancojmë forcimin e vazhdueshëm të trupave në terren”, tha Gantz në një deklaratë.

Ministri i mbrojtjes i bëri komentet e tij pas një takimi me zyrtarë të lartë të sigurisë, duke përfshirë shefin e shtabit të IDF, komandantin e Inteligjencës Ushtarake, kreun e shërbimit të sigurisë Shin Bet dhe komisarin e policisë së Izraelit, thotë zyra e tij.

Në deklaratën e tij, Gantz vlerëson oficerët e Policisë Kufitare me rroba civile që qëlluan për vdekje dy terroristët që kryen sulmin dhe u uroi shërim të shpejtë personave të plagosur. g.v/abcnews.al

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh