Avokati Arbër Jashari ka reaguar me një përmbledhje publike pas publikimit të aktgjykimit të Gjykatës Kushtetuese, që obligon partitë politike të konstituojnë Kuvendin e Kosovës deri më 26 korrik 2025.

Në reagimin e tij, Jashari ka ofruar një sqarim të pikave kryesore të aktgjykimit, duke përmendur se mandati i deputetëve fillon vetëm pas konstituimit të Kuvendit dhe se e drejta e grupit më të madh parlamentar për të propozuar Kryetarin e Kuvendit është e vlefshme vetëm nëse siguron shumicën prej 61 votash.

Një nga çështjet që ka ngjallur debat – votimi i fshehtë për Kryetarin e Kuvendit – sipas Kushtetueses, “nuk është i paraparë as në Kushtetutë, e as në Rregulloren e Punës së Kuvendit”, ka shkruar Jashari.

Ai rikujton gjithashtu se deputetët, në seancën konstituive, kanë për detyrë të qëndrojnë në sallë dhe të votojnë – duke përzgjedhur ndërmjet votës “për”, “kundër” apo “abstenim”.

Gjykata ka theksuar gjithashtu se e drejta për të propozuar kandidatin për Kryetar Kuvendi nuk mund të shndërrohet në mekanizëm bllokues dhe se funksionimi i institucioneve duhet të garantohet përmes mirëbesimit dhe bashkëpunimit ndërmjet subjekteve politike.

“Ishalla po i qet n’udhë të Zotit!”, ka shkruar me ironi Jashari në postimin e tij./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!