Azem Syla i dyshuar për krim të organizuar dhe shpërlarje parash, dhe i kërkuar nga Policia e Kosovës, nuk është dorëzuar ende tek autoritetet, por nga arratia ka vendosur që të bëjë publik lajmin se ka dhënë dorëheqje nga posti i deputetit në Kuvendin e Kosovës.

Portali “Lajmi”, shkruan se Azem Syla i ka dërguar një email kësaj redaksie nëpërmjet së cilës thotë se “jep dorëheqje nga të gjitha përgjegjësitë institucionale”.

Nga arratia ai i qytetarëve të “nderuar të Republikës së Kosovës”, duke shkruar se dorëheqja e tij është e parevokueshme.

“Hetimi i filluar ndaj meje është i padrejtë, por unë dëshiroj t[i jap hapësirë dhe mundësi drejtësisë të punojë pa ndikime”, citohet të ketë shkruar Syla.

Insajderi ka raportuar se Prokuroria pretendon se bazuar në rezultatet hetimore të deritashme, deputeti Azem Syla, ka organizuar, i financuar dhe mbikëqyrur një grup kriminal. Syla, së bashku me Fahredin Gashin, dyshohet se kanë fituar pronësi në mënyrë të paligjshme të dhjetëra hektarëve tokë të shtetit në vlerë mbi 30 milion euro. Grupi pretendohet se ka nisur veprimtarinë që nga viti 2006./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur