Ministrja e Punëve të Jashtme e Gjermanisë, Annalena Baerbock, ka deklaruar se Gjermania do të dërgojë trupa shtesë në Kosovë.

Baerbock këtë e ka thënë para takimit të kryediplomatëve të shteteve anëtare të NATO-s në Bruksel. Deklarimi i saj u publikua nga llogaria zyrtare e MPJ-së gjermane, raporton Gazeta Insajderi.

“Në Ballkanin Perëndimor, paqje shpesh varet nga një fije. Angazhimi i NATO-s dhe BE-së shkojnë dorë për dorë: Misioni i EUFOR-it ofron siguri në Bosnje dhe Hercegovinë si dhe KFOR-i bën të njëjtën gjë në Kosovë”, citohet të ketë deklaruar Baerbock.

“Gjermania do të kontribuojë me ushtarë shtesë për KFOR-in”, përfundon ajo.

Sekretari amerikan i Shtetit, Antony Blinken dhe Përfaqësuesi i Lartë i BE-së, Josep Borrell, diskutuan për raportet Kosovë-Serbi.

Borrell tha se duhet bërë hapa përpara drejt përmirësimit të raporteve.

Takimi i NATO-s në Bruksel do të trajtojë situatën në Ballkanin Perëndimor ku ka thirrje që NATO të rrisë praninë e saj ushtarake mes shqetësimeve se tensionet midis Kosovës dhe Serbisë mund të përshkallëzohen në konflikt të drejtpërdrejtë. /Insajderi.org/

Auf dem #Westbalkan hängt der Frieden oft am seidenen Faden. Das Engagement von @nato und EU gehen hier Hand in Hand: Die Mission @euforbih sorgt für Sicherheit in Bosnien und Herzegowina und @NATO_KFOR in Kosovo. Zu KFOR wird Deutschland mit zusätzlichen Soldat*innen beitragen. pic.twitter.com/a31MiELzE8

— Auswärtiges Amt (@AuswaertigesAmt) November 28, 2023