Deputetja e Lidhjes Demokratike të Kosovës Hykmete Bajrami, i ka reaguar VV-së pasi tha se Kosova renditet e dyta nga World Justice Project për sundimin e ligji.

Bajrami tha se Lëvizja Vetëvendosje është duke bërë propagandë. Ajo tha se raporti e nxjerr Kosovën të 57-tën në botë.

“Aftësia e qeveritarëve për të lexuar raporte është e paparë. Injorojnë krejt raportin, kalojnë 39 faqe dhe shkojnë te faqja 40, gjejnë diçka për t’u lavdëruar por realiteti është ndryshe”, shkroi ai.

Bajrami shtoi se Kosova në vitin 2020 ishte e 54’ta, duke aluduar se me VV’n në pushtet është përkeqësuar sundimi i ligjit.

“World Justice Project e renditë Kosovën në pozitën e 57-të në këtë vit. Ende larg nga viti 2020 ku Kosova renditej e 54-ta, derisa vitin e kaluar kishte pësuar regres dhe renditej e 60-ta“, ka shkruar Bajrami.