Barcelona duket se do të humbasë një nga lojtarët më të dalluar të akademisë ‘La Masia’, pasi i njëjti pritet të transferohet në Arabinë Saudite.

I dalluar si në aspektin teknik dhe faktin që mbulon disa pozita në fushë, bisedimet janë në fazën përfundimtare për sulmuesin Unai Hernandez, mes Barcelonës dhe Al-Ittihadit.

Dy ekipet kanë qenë në bisedime për Hernandez gjatë javëve të fundit, pasi Al-Ittihadi e bindi të riun spanjoll që ta pranojë ofertën e tyre.

E përditshmja katalanase Sport, ka raportuar se një takim ndodhi mes palëve gjatë kohës kur Barcelona ishte e angazhuar në Superkupën e Spanjës që u mbajt në Lindjen e Mesme.

Ky informacion u konfirmua edhe nga Mundo Deportivo dhe Fabrizio Romano, me këtë të fundit që ka thënë se një ofertë formale prej 4-5 milionë eurosh është dërguar për Hernandez.

Ai ka momentalisht vetëm 18 muaj të mbetur në kontratën e tij dhe në teori ekziston opsioni për ta zgjatur atë për dy vite.