Kryetari i Partisë Demokratike, Lulzim Basha, ka deklaruar ish-kryeministri Sali Berisha ka tentuar ta vriste një grup anëtarësh të PD-së. Ai deklaroi se Berisha është përjashtuar nga partia në ditën kur filloi të sillej si kreu i një organizate kriminale antikombëtare.

Basha shtoi se tentimin për vrasjen e anëtarëve të PD-së e bëri “pasi kishte nisur një fushatë të nxitjes së dhunës”, duke potencuar se ish-kryeministri pati qëllim shkatërrimin e Partisë Demokratike.

“Sali Berisha është përjashtuar me unanimitet nga Kryesia e Partisë Demokratike ditën pasi vendosi të sillej jo si politikan, por si kreu i një organizate kriminale antikombëtare, antiamerikane dhe provoi tentativën e vrasjes të një grupi drejtuesish dhe anëtarësh të Partisë Demokratike në selinë e Partisë Demokratike pasi kishte nisur një fushatë të nxitjes së dhunës, të gjuhës së urrejtjes, të përçarjes së demokratëve për të shkatërruar Partinë Demokratike siç e paralajmëroi vetë që nëse Partia Demokratike nuk do të kthehej në bunker për hallin e tij personal, ai do ta shkatërronte, nuk e meritonte të ekzistonte”, deklaroi ai për ABC News.

Ndërkohë, Gjykata e Tiranës vendosi t’i lirojë nga burgu 34 të arrestuarit e protestës së dhunshme të 8 janarit në selinë e Partisë Demokratike në Tiranë, këtë të mërkurë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur