Anëtari i Kryesisë së PD-së, Arben Ristani, teksa ka folur për financimin e PD-së nga Rusia, është shprehur se para disa kohësh, Lulzim Basha refuzoi të shkonte në prokurori, kur u thirr për këtë çështje.

Në një intervistë për Euronews Albania, Ristani tha se edhe ai fillimisht u ndalua nga ish-kryetari i PD-së të shkonte herën e parë në prokurori, por herën e dytë i ka fikur telefonin Bashës.

“Basha nuk ka dashur të paraqitet në prokurori, e madje herën e parë nuk u paraqita as unë me kërkesën e tij, por bëra një veprim tjetër. Herën e dytë i mbylla telefonin Bashës dhe u paraqita në Prokurori sepse isha me të drejtën time. Më pas shkoi ai,”- nënvizoi ai.

Sipas tij, e çuditshme është mënyra se si ka vepruar prokuroria,  pasi ndërprenë akuzën për pastrim parash.

“Ajo që është e çuditshme në mënyrën se si ka vepruar prokuroria, pasi akuzën për pastrim parash, ata e ndërprenë dhe ngritën një akuzë që dihej se nuk do të qëndronte dhe ashtu ndodhi. Akuza për falsifikim u rrëzua nga Gjykata. Kishte të dhëna që duheshin hetuar”- theksoi ai.

Ndër të tjera Ristani theksoi: “Për ne ka qenë e pabesueshme që vetë Basha të kishte marrë para nga burimet ruse. Unë nuk besoj se paratë janë ruse, unë besoj se janë para të zeza që në Shqipëri ka”

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër