Kryetari i shkarkuar i Partisë Demokratike Lulzim Basha, i cili është akuzuar shpesh nga kundërshtarët e tij politik se fle gjumë dhe zgjohet vonë, sot ka shkuar që në orët e para të mëngjesit në selinë e PD-së.

Por, para Bashës kanë mbërritur gazetarët të cilët Basha i ka përshëndetur me dy gishta, madje edhe duke bërë batuta .

“Mirëmëngjesi, qenke zgjuar herët shumë. Bravo të qoftë. Ndryshe nga vallja e Osman Takës. Do e kërcejmë më vone atë, pa merak”, i tha Basha njërit prej gazetarëve.

Por, ajo që bie në sy është se në oborrin e selisë së Partisë Demokratike, për të penguar grumbullimin e protestuesëve të thirrur nga ish-kryeministri Sali Berisha dhe Grupi për Rithemelimin e PD-së ,po parkohen makina të shumta.

Mesa duket, përveç dyerve të siguruara me çelik, ky është hapi i radhës nga ana e Bashës për të penguar protestën e sotme të Demokratëve të lajmëruar për në orën 12.00.

Makinat siç shihet në video, janë rreshtuar qëllimisht me synimin për të bllokuar çdo metër katror përpara godinës.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur