Meqenëse kohëve tё fundit kanë ndodhur disa raste incidente ku tё miturit kanë përdorur armë tё ftohta, sprej dhe elektroshok dhe në shumicën e rasteve të dyshuarit kanë deklaruar se armët e përdoruara i kanë blerë në treg, policia ka bërë një kontrollë në “çarshinë e gjatë” në Pejë.

Siç njofton policia, nga shitësit ambulantë janё sekuestruar:

“Njёqind e pesё (105) mjete tё mprehta (thika) lloje tё ndryshme, tri (3) shufra metalike, njёmbёdhjetё (11) boksa metalik, katёr (4) OC Sprej dhe njё (1) elektroshok”.

Lidhur me rastin është arrestuar një i dyshuar, i cili pas intervistimit me vendim tё prokurorit tё shtetit ёshtё liruar nё procedurё te rregullt.

“Policia e Kosovёs nё vazhdimësi do tё bёjё sekuestrimin e mjeteve tё ndaluara me ligj, tё cilat rrezikojnë sigurinё e përgjithshme”, thuhet në njoftimin e policisë.

Njoftimi i plotë: