Largimi i mesfushorit Granit Xhaka ishte i dhimbshëm për Bayer Leverkusen.
Megjithatë, kalimi i mesfushorit tani u jep mundësi të reja lojtarëve të tjerë.
Robert Andrish, në veçanti, është konsoliduar si lideri i ri i Leverkusenit javët e fundit.
Andrish është fituesi i madh nën drejtimin e trajnerit të ri Erik ten Hag.
Nuk është rastësi që mesfushori defensiv, mbajti shiritin e kapitenit gjatë fazës përgatitore – së fundmi në humbjen 2-0 ndaj Çelsit. Ai ka impresionuar me paraqitjet e forta në stërvitje dhe ndeshjet miqësore.
Sezonin e kaluar, lojtari zhvilloi vetëm 2,169 minuta lojë në 35 ndeshje zyrtare nën drejtimin e ish-trajnerit Xabi Alonso.
Si pasojë, pjesëmarrësi në Kampionatin Europian 2024 ishte shpesh në stol edhe me kombëtaren këtë vit.
Në finalet e Ligës së Kombeve, Andrish nuk luajti as në gjysmëfinalen ndaj Portugalisë e as në ndeshjen për vendin e tretë ndaj Francës.
Para kësaj, ai zhvilloi gjithsej 14 minuta në dy ndeshjet çerekfinale ndaj Italisë (2-1/3-3).
Tani situata ka ndryshuar plotësisht. Ten Hag e vlerëson shumë Andrish.
Së pari, si një lojtar i fortë si në rolin e “dyshes” në mesfushë ashtu edhe në një mbrojtje me tre lojtarë, dhe së dyti, për personalitetin e tij.
“Po bën shumë mirë. Jam shumë i kënaqur me atë që sjell në fushë. Por edhe me atë që bën jashtë saj, në dhomat e zhveshjes. Rob është një lider i vërtetë. Dhe ne kemi nevojë për këtë. Jam shumë i lumtur që e kam”, thotë Ten Hag.
Andrish nuk dëshiron të ndryshojë “si person apo si tip”, siç thotë ai:
“E shoh pak gabim të detyrohesh të ndryshosh vetëm sepse disa personalitete kanë ndryshuar.
Po përpiqem të vazhdoj përpara, ndoshta edhe më shumë në disa situata. E kam thënë gjithmonë se është e rëndësishme të jesh pa dëmtime dhe të mund të marrësh pjesë në çdo seancë stërvitore. Mendoj se kjo është shumë e rëndësishme për mua, duke marrë parasysh mënyrën se si luaj futboll.
Nëse kjo ndodh, mund të tregoj cilësitë e mia”, shpjegon Andrish, “dhe pastaj jam mjaft i sigurt se do të bëhem titullar herët a vonë”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
