Bayern Munich ka pësuar humbje me rezultat 3-2 në shtëpi ndaj Bochum në kuadër të javës së 25-të në elitën e futbollit gjerman.

Vendasit kaluan në epërsi në minutën e 14-të përmes Raphael Guerreiro që realizoi për 1-0 pas asistimit nga Serge Gnabry.

Bavarezët patën mundësinë të dyfishojnë rezultatin në minutën e 22-të, por Gnabry dështoi të shënojë nga penalltia.

Megjithatë, pak minuta më vonë në skenë doli sërish Guerreiro (28’), i cili me kokë realizoi në portën e boshatisur pas krosimit të Thomas Muller.

Reagimi i mysafirëve erdhi qysh në minutën e 31-të, duke arritur të zbutin diferencën përmes Jakov Medic që realizoi për 2-1.

Gjithçka nisi të vështirësohej për Bayernin kur në minutën e 43-të Joao Palhinha u ndëshkua me karton të kuq pas një ndërhyrje të ashpër.

Me një lojtar më shumë në fushë, Bochum ia doli të barazojë rezultatin në 2-2 përmes Ibrahima Sissoko (52’).

Goditjen përfundimtare Bayerni e mori në minutën e 71-të, kur Matus Bero shfrytëzoi një top brenda zonës për ta mposhtur portierin vendas për 3-2.

Ndonëse pësuan humbje, të besuarit e Vincent Kompany ishin me fat pasi edhe rivali i tyre për titull Bayer Leverkuseni u mposht nga Werder Bremeni dhe situata në tabelë mbeti e pandryshuar.

𝑱𝒂𝒘𝒐𝒍𝒍! Was ein Start in die Partie! 😍

♦️ #FCBBOC | 1-0 | 16’ pic.twitter.com/Wvabi1ztOo

— FC Bayern München (@FCBayern) March 8, 2025

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!