Lajmi për ish-priftin britanik i cili fshihej prej 10 vitesh në Pejë u raportua vetëm dy ditë më parë nga Insajderi, e që ka bërë jehonë edhe në Britani të Madhe.

Policia e Kosovës raportoi të ënjtën se kishte arrestuar në Pejë një qytetar britanik në bazë të urdhëresës ndërkombëtare evropiane të lëshuar nga Britania e Madhe, Divizioni Kundër Krimit të Organizuar.

Shtetasi i Anglisë, është arrestuar në Rr. “Ramiz Xhema”, me dyshimet që ka kryer veprën penale të pedofilisë.

Insajderi kishte biseduar me qytetarë të Pejës të cilin ish-priftin e njohin me emrin Andreë.  Por emri i vërtetë i tij ishte Lawrence Soper dhe ai kishte banuar prej rreth 10 vitesh me një shtëpi në Pejë. Por nuk ka pasur asnjë punë të caktuar.

Pikërisht këtij raportimi të Insajderit, i referohej mediumi i madh britanik.

“Gazeta kosovare Insajderi thotë se Soper ka qenë duke jetuar nën emrin e rremë, Andrew, dhe jetonte prej vitesh në qytetin e Pejës. Ai besohet të jetë në mesin e të 70-ave”, shkruhet në artikullin e BBC-së.

Nuk është vetëm BBC që ka njoftuar për ish-priftin e arrestuar tre ditë më parë në Pejë, duke e cituar Insajderin. Kanë qenë edhe mediet e tjera të famshme britanike si Daily Mail dhe Telegraph që e kanë bërë të njëjtën gjë.

Kjo nuk është hera e parë që mediumi i ri kosovar, Insajderi, citohet nga mediet e mëdha botërore. Rreth një muaj më parë jehonë të madh kishte bërë edhe raportimi për “Vëllanë e kryeministrit Mustafa”. /Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur