Gjiganti teknologji Apple është gjobitur me 1.8 miliardë euro nga Bashkimi Evropian për shkelje të rregullave të konkurrencës sa i përket transmetimit të muzikës, njofton “BBC”.

Apple kishte parandaluar shërbimet e transmetimit nga informimi i përdoruesve për opsionet e pagesave jashtë “app storet” të Applet, ka thënë Komisioni Evropian.

Komisionerja e konkurrencës Margarethe Vestager ka thënë se Apple ka abuzuar me pozitën dominuese të saj në treg për një dekadë.

Ajo ka urdhëruar gjigantin teknologjik amerikan t’i largojë të gjitha kufizimet. Apple ka thënë se do ta apelojë vendimin.