Komisioni Evropian ka propozuar sot paketën e 17-të të sanksioneve kundër Rusisë, duke synuar përforcimin e presionit ndaj Moskës për shkak të agresionit të saj në Ukrainë. Në këtë paketë përfshihen masa të reja ndaj individëve dhe mbi 100 anije që i përkasin të ashtuquajturës “flotë hije” të Rusisë, e përdorur për të shmangur sanksionet ekzistuese dhe për të transportuar naftë në mënyrë të fshehtë.

Një nga pikat e veçanta të propozimit është zgjatja e përjashtimit nga sanksionet për projektin energjetik rus Sakhalin-2 deri në qershor 2026, për shkak të rëndësisë strategjike që ka për Japoninë.

Sipas diplomatëve të BE-së, propozimi ka ardhur më herët nga sa ishte parashikuar dhe është mbajtur “i thjeshtë”, pa konsultime joformale paraprake me shtetet anëtare – një praktikë që ka qenë e zakonshme në paketat e mëparshme.

Megjithatë, pritet që miratimi të ecë shpejt, me diskutimet e para që nisin të mërkurën.

Paketa e re vjen në një kohë kur BE-ja po përpiqet të godasë më fort ekonominë ruse dhe të ndërpresë burimet alternative të të ardhurave të Kremlinit. 

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!