Kandidati për Kryeministër të Kosovës, Bedri Hamza, ka bërë një thirrje emocionuese drejtuar rinisë kosovare, duke i quajtur ata “zemra e këtij vendi”.

Hamza i ka ftuar të rinjtë të qëndrojnë në vend dhe të kontribuojnë në ndërtimin e një të ardhmeje më të mirë për gjithë qytetarët.

Hamza iu ka bërë thirrje qytetarëve të bashkohen në një angazhim të përbashkët për realizimin e vizionit të tij për të ardhmen e Kosovës. Ai ka apeluar për një pjesëmarrje aktive, duke kërkuar që qytetarët të ndajnë vizionin e tij me të tjerët, përfshirë familjarët, shoqërinë, fqinjët dhe kolegët e punës.

“Ndajeni vizionin tonë edhe me të tjerët. Ndajeni me familjarët, me shoqërinë, fqinjët dhe kolegët tuaj të punës. Nuk po e kërkoj vetëm votën tuaj, por edhe pjesëmarrjen tuaj aktive,” ka shkruar Hamza në një postim të tij në rrjetet sociale.

Ai ka shtuar se është koha për të punuar së bashku për një Kosovë që përmbush premtimet e historisë sonë dhe potencialin e së ardhmes.