Deputeti i Aleancës për Ardhmërinë e Kosovës, Bekë Berisha, ka deklaruar se do ta votonte cilindo kandidat që Lëvizja Vetëvendosje propozon për kryetar të Kuvendit, duke theksuar se sipas tij, nuk ka dallim mes tyre.
Para seancës konstituive të Kuvendit të Kosovës, Berisha tha se nëse ekziston vullneti i vërtetë politik, vendi mund të dilet nga situata aktuale.
Por sipas tij, brenda partive ka “merake të ndryshme” që po e komplikojnë këtë proces.
“Ishte dashur, nëse ka vullnet që të dilet nga kjo situatë, ishte dashur. Ne po bisedojmë ngapak, po aty ka, për shembull, merake të ndryshme – jo unë e kisha votuar atë. Unë çka dalloj nga grupi, veç që mua më duken të njëjtë, nuk ke çka të zgjedhësh aty. Cilindo ta qesin, me Kushtetutë i takon, po qitja cili të jetë, se të njëjtë janë,” u shpreh ai.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
