Kryetari i Grupit parlamentar LDK-së Ismet Beqiri përmes konferencës –për media ka folur rreth nënshkrimeve të deputetëve të kësaj partie rreth iniciativës së Vetëvendosjes për seancë të jashtëzakonshme kushtuar vdekje së Astrit Deharit.

Beqiri ka deklaruar se LDK nuk u ka bërë presion deputetëve rreth nënshkrimeve.

“Po i presim raportet e organeve të drejtësisë. Pastaj askush nuk mund ta ndalë asnjë debat as seancë. Askujt nuk duhet t’i takoj që rastet e ndjeshme të shfrytëzohen për qëllime tjera, aq më pak për qëllime politike. Edhe ne bëjmë pjesë në grupin e atyre që kërkojnë të dihet e vërteta”, tha Beqiri.

Beqiri tha se deputeti Shpejtim Bulliqi nuk e ka ditur për çka ka nënshkruar.

“Vetëm i kanë thënë për Astrit Deharin por asgjë më shumë”.