Deputetja e Lëvizjes Vetëvendosje, parti kjo që ka pushtetin absolut në Kosovë, Fitore Pacolli, gjatë fjalës së saj në Kuvendin e Kosovës ka bërë thirrje qe Kuvendi dhe Qeveria të marrin masa ndaj mediave në Kosovë.

Në lidhje me atë çfarë kërkojë Pacolli, ka reaguar avokati kosovar, Besnik Berisha.

Berisha ka shkruar se sipas tij aty ku pushteti kontrollon mediat, vuajnë qytetarët e përfitojnë pushtetarët.

Madje kjo sipas tij ngjason me periudhën e Enver Hoxhës apo me pushtetin e Kim Jong-ut.

“Imagjinojeni kohen e xhaxhi Enverit, për të mos thënë këtë të Kim Jong-un dhe mund ta dëshifroni këtë fjalim “dashamirës” për mediat!”, ka shkruar Berisha.

Ai shtoi se dëshiron të besojë se nuk do kontrollohet fjala e lirë e liria e mediave.

“Po dua të besoj që nuk e ka nem Zoti aq keq këtë vend që soji i komunistëve në mendje e zemër, me kontrollu edhe fjalën e lirë edhe lirinë e emdiave”, ka shkruar avokati në facebook.