Deputeti i PDK-së, Hisen Berisha ka folur për rastin e vdekjes së ish-aktivistit të VV-së, Astrit Dehari.

Berisha ka hedhur akuza ndaj partisë në pushtet se nuk duan ta zgjidhin këtë rast.

Deputeti i PDK-së paraqiti dy parakushte me të cilat sipas tij mund të zbardhet rasti Dehari, raporton Insajderi.

“Janë dy parakushte për me e zbardhë rasin e Astritit. Është zbardhja e sulmeve terroriste mbi instituconet e Kosovës, përkatësisht presidencën. Por, këtë nuk pres ta zbardhni. Kusht i dytë është zbardhja e vetëvrasjes së Arbënorit”, deklaroi Berisha.

“Indikative mbetet po ashtu edhe emërimi i rrugëve me emrin Dehari dhe unë pyes se cili është roli i tyre. Së fundi ndodhi vjedhja e mostrave dhe ministrja që po i mëshon tash tavolinës akuzon opozitën. Mua më vie keq se këtë duhet ta flas para bacës Avni por e di që Dehari ishte kundër këtyre marrëveshjeve që i keni nënshkru”, përfundoi Berisha.

Ndaj këtyre deklaratave reaguan deputetë të Vetëvendosjes si dhe ministrja Albulena Haxhiu e cila me zë të lartë i tha “ty ta kisha ndalu me fol me ligj”.

“Kjo çka po flet është marre. Vdekja e tij ka ndodhur në kohën kur ju ishit në qeveri. I thoni vetes deputet. Marre, marre”, deklaroi Haxhiu. /Gazeta Insajderi