Në orën 18:00, vëmendja e publikut shqiptar nuk do të jetë vetëm për ish-kryeministrin Sali Berisha. Në të njëjtën orë që lideri historik i Partisë Demokratike ka vendosur që të nisë foltoret me demokratët në Tiranë, Ambasadorja e Shteteve të Bashkuara të Amerikës, Yuri Kim, do të japë një intervistë për Zërin e Amerikës.

Në një postim në rrjetet sociale, ajo ka ftuar publikun që ta ndjekë në këtë intervistë ku do të flasë për politikën në Shqipëri.

“30 vjet që kur Shqipëria u çlirua nga diktatura komuniste. 30 vjet tranzicion. Koha për të zgjedhur përsëri: Ndryshim apo ngecje? Luftoni për brezin e ardhshëm apo mbroni fantazmat? E ardhmja apo e shkuara? Le të shikojmë drejt së ardhmes. Do ta bëjmë së bashku,”- shkruan Kim, fjalë që duket sikur shënjestrojnë ish-kryeministrin Berisha.

Pasi kryeopozitari Lulzim Basha përjashtoi nga grupi parlamentar i PD-së, Kim duket se është pozicionuar krah tij dhe me lëvizjen e bërë sot, ndoshta kërkon të tregojë se e mbështet atë vendim.

30 years since Albania broke free of communist dictatorship. 30 years of transition. Time to choose again: Change or stagnation? Fight for the next generation or defend ghosts? Future or past? Let’s look to the future. 🇺🇸 🇦🇱 will do it together. https://t.co/PVXDoPrAMO

— Ambassador Yuri Kim (@USAmbAlbania) September 16, 2021