Kryeministrja serbe Ana Bërnabiq ka deklaruar se “për momentin Serbia ka 1,054.950 vaksina, disa prej të cilave tashmë janë shfrytëzuar”, duke pretenduar se ajo “është krenare për suksesin e vendit të saj në luftën kundër koronavirusit”, por gjithashtu se “kjo është një maratonë që kërkon të luftohet çdo ditë”.

“Sa i përket Serbisë, unë e di që jemi përpara një numri më të madh të vendeve të Bashkimit Evropian”, ka thënë Bërnabiq, duke kujtuar se vaksinat janë në dispozicion për të gjithë qytetarët.

Duke folur në lidhje me luftën për vaksinat, ajo deklaroi se 95% të vaksinave u blenë nga dhjetë vendet më të pasura, dhe disa, të tilla si Gjermania dhe Kanada, madje kanë aq shumë sa të vaksinojnë çdo qytetarët e tyre nga tre ose pesë herë.

Sipas saj, “Serbia po përpiqet të prodhojë një vaksinë kundër koronavirusit në vend”, duke deklaruar se “plani është që ekspertët tanë nga Torllak të shkojnë sot në Rusi dhe të vizitojnë objektet e prodhimit atje”.

“Ata do të jenë atje për disa ditë për të përcjellur të gjithë procesin e prodhimit, çfarë është e nevojshme. Ne po luftojmë për të prodhuar vaksinën ruse Sputnik V në Serbi, domethënë në Torllak sa më shpejt të jetë e mundur”, pretendon Bërnabiq.

Lidhur me informacionin se autoritetet e Kosovës hynë në një Shtëpi të Shëndetit në një nga vendet në Kosovë ku jetojnë serbët, duke kërkuar vaksina, ajo deklaroi se ky “ishte një veprim i papërgjegjshëm për shkak të fushatës zgjedhore në Kosovë”. “Do të ishte më mirë nëse ata flasin me presidentin tonë Aleksandar Vuçiq dhe të pajtohen që ne të dërgojnë vaksina edhe në Kosovë. Ne jemi këtu nëse kanë nevojë për ndihmë”, pa pretenduar Bërnabiq./Insajderi.org.